January 28, 2022

pavoor.in

Leading conservative magazine covering news, politics, current events, and culture with in-depth analysis and commentary

ஹெல்மெட் அபராதம் புதுவை முதல்வர்  இடைக்கால தடை

ஹெல்மெட் அபராதம புதுவை முதல்வர்  இடைக்கால தடை

 

புதுச்சேரியில் ஹெல்மெட் அணியாதவர்களுக்கு போடப்படும் அதிகளவு அபராதத்தை நிறுத்தி வைக்க அதிகாரிகளுக்கு உத்தரவிட்டுள்ளது,”  என்று முதல்வர் நாராயணசாமி தெரிவித்துள்ளார்.

புதுச்சேரியில் இரண்டு சக்கர வாகனத்தில் ஹெல்மெட் அணியாமல் வந்த ஏராளமான பொதுமக்களை போலீசார் மறித்து 1,000 ரூபாய் அபராதம் விதிப்பால் பெருமளவு பாதிக்கப்பட்டார்கள். மேலும் காவல் துறையின் இந்த கெடுபிடிகளை கண்டித்து பொதுமக்கள் மற்றும் அரசியல் கட்சியினர் பல்வேறு இடங்களில் மறியலில் ஈடுபட்டனர்.

இதையடுத்து புதுச்சேரி முதல்வர் நாராயணசாமி தலைமைச்செயலர், காவல்துறை உயர் அதிகாரிகள், போக்குவரத்துத்துறை அதிகாரிகள் ஆகியோருடன் ஆலோசனை நடத்தினார். அதைத்தொடர்ந்து முதல்வர் நாராயணசாமி செய்தியாளர்களிடம் பேசியதாவது:

மத்திய அரசு மோட்டார் வாகன சட்டத்தில் திருத்தம் கொண்டு வந்து போக்குவரத்து விதிகளை மீறினால் கடும் அபராதம் விதிக்கும் சட்டத்தை எதிர்க்கட்சிகள் எதிர்த்தும் அது நிறைவேற்றப்பட்டது.

அதை நடைமுறைப்படுத்த பல தடங்கல் இருக்கிறது என்று மத்திய சாலை போக்குவரத்து அமைச்சகத்திற்கு புகார் கொடுத்தும் எந்தவித பலனும் இல்லை. இதையடுத்து ஹெல்மெட் தொடர்பாக புதுச்சேரி சட்டப்பேரவை உறுப்பினர்களின் கருத்துக்களை கேட்டபின்பு, படிப்படியாக அமல்படுத்தப்படும் என பேரவையில் முடிவெடுக்கபட்டது.

மேலும், புதுச்சேரியில் விபத்துக்களால் ஏற்படும் உயிரிழப்புகளும் படிப்படியாக குறைந்து வருகிறது.  மோட்டார் வாகன சட்டம் குறித்து உரிய விழிப்புணர்வை ஏற்படுத்திய பின்பு தான் அதை படிப்படியாக நடைமுறைப்படுத்த வேண்டும் என்ற உத்தரவிட்டிருந்தேன்.

இதற்கான கோப்பு போக்குவரத்து துறை அமைச்சர் ஷாஜகான் அலுவலகத்தில் தான் உள்ளது. இதையொட்டிய மற்றொரு கோப்பை துணைநிலை ஆளுநர் கிரண்பேடி உருவாக்கி அதிகாரிகளை மிரட்டி ஹெல்மெட் போடாமல் செல்பவர்களை பிடித்து அதிகளவு அபராதம் விதிக்க உத்தரவிட்டுள்ளதால். காவல் துறை அதிகாரிகள் பொதுமக்கள் வாகனங்களை பிடிக்கிறார்கள். இது அராஜக செயல்.

மற்ற மாநிலங்களில் புதிய மோட்டார் வாகன சட்டங்களை அமல்படுத்தினாலும் கெடுபிடிகள் இல்லை. ஆனால், புதுச்சேரி மாநில மக்களுக்கு தொல்லை கொடுக்க வேண்டும் என்பதற்காகவே அமைச்சரவையின் முடிவுக்கு எதிராக கிரண்பேடி செயல்படுகிறார். பா.ஜ.க. நியமித்த ஆளுநர் சட்டத்தை நடைமுறைப்படுத்த உத்தரவிடுகின்றார்.

ஆனால், புதுச்சேரி பா.ஜ.க. ஹெல்மெட்டுக்கு தடை வேண்டி வலியுறுத்தி இரட்டை வேடம் போடுகிறது. புதிய போக்குவரத்து சட்டத்தை படிப்படியாக விழிப்புணர்வு ஏற்படுத்தி அமல்படுத்த வேண்டும். கிரண்பேடிக்காக மக்களை துன்புறுத்தக்கூடாது. விழிப்புணர்வு ஏற்படுத்தும் வரை அபராதம் போடுவதை தற்காலிகமாக நிறுத்தி வைக்க அதிகாரிகளுக்கு உத்தரவிட்டுள்ளது.

இவ்வாறு புதுச்சேரி முதல்வர் நாராயணசாமி பேசினார்.

error: Content is protected !!
Open chat