December 2, 2021

pavoor.in

Leading conservative magazine covering news, politics, current events, and culture with in-depth analysis and commentary

[ihrss-gallery type="GROUP1" height="200" speed="1" bgcolor="#FFFFFF" gap="5" random="YES"]

புதுச்சேரி கிராமம் உலக சாதனை; ஆளுநர் தமிழிசை பாராட்டு!

புதுச்சேரி கிராமம் உலக சாதனை; ஆளுநர் தமிழிசை பாராட்டு!

புதுச்சேரியில் ஏம்பலம் தொகுதி புதுகுப்பம் கிராமம் 100% தடுப்பூசி போட்டுக் கொண்ட கிராமமாகவும், 100% கொரோனா இல்லாத கிராமமாக இருப்பதாகவும் துணை நிலை ஆளுநர் தமிழிசை சவுந்தர்ராஜன் சான்றிதழ் வழங்கி கிராம மக்களுக்கு பாராட்டு தெரிவித்தார்.

புதுச்சேரியில் அண்மைக்காலமாக கொரோனா பரவல் அதிகரித்து வருகிறது. இதனை கட்டுப்படுத்த அரசு மற்றும் மாவட்ட நிர்வாகமும் இணைந்து பல்வேறு முன்னெச்சரிக்கை நடவடிக்கைகளை மேற்கொண்டு வருகின்றது.

அந்த வகையில் இன்று ஏம்பலம் தொகுதிக்குட்பட்ட புதுகுப்பம் கிராமத்தை தேர்ந்தெடுத்து அங்குள்ள 18 வயதுக்கு மேற்பட்டோருக்கு 45 வயதுக்கு மேற்பட்டவர்கள் தடுப்பூசி போடுவதற்கான சிறப்பு முகாமை நடத்தினர்.

இந்த கிராமத்தில் உள்ள அனைவரும் 100% தடுப்பூசி போட்டுக்கொண்டனர். மேலும் அக்கிரமம் 100% கொரோனா இல்லாத கிராமமாக மாவட்ட நிர்வாகத்தால் அறிவிக்கப்பட்டது.

இதனை அடுத்து புதுச்சேரி துணை நிலை ஆளுநர் தமிழிசை சவுந்தர்ராஜன் தலைமையில் நடைபெற்ற இந்த நிகழ்ச்சியில் புதுக்குப்பம் கிராமம் 100 சதவீத தடுப்பூசி போட்டுக் கொண்ட கிராமம் என்பதோடு, 100 சதவீத கொரோனா இல்லாத கிராமமாகும் என அறிவித்தார்.

 

மேலும் அதற்கான சான்றிதழை தொகுதி சட்டமன்ற உறுப்பினர் லக்ஷ்மிகாந்தன் மற்றும் பொதுமக்களிடம் வழங்கினார். அப்போது அந்த கிராம பொதுமக்களை துணை நிலை ஆளுநர் தமிழிசை சவுந்தர்ராஜன் பாராட்டினார்.

அப்போது, உலகிலேயே புதுகுப்பம் கிராமம் 100 சதவீத தடுப்பூசி போட்டுக்கொண்ட கிராமமாக அறிவிப்பதில் மகிழ்ச்சி அடைகிறேன் என்றார். இந்த நிகழ்ச்சியில் மாவட்ட ஆட்சியர் பூர்வா கார்க், மற்றும் சுகாதாரத் துறை உள்ளிட்ட பல்வேறு துறை அதிகாரிகள் கலந்து கொண்டனர்.

error: Content is protected !!
Open chat